En connex cun ils roms d'accent e roms cumplementars stat ina vasta purschida per Vies affon a disposiziun. Roms d'accent: Biologia & chemia, economia & dretg (instrucziun immersiva per engles), musica, fisica ed applicaziun da matematica (PAM), latin e spagnol. Roms supplementars: Biologia & chemia, historia, geografia sco era applicaziun da matematica.
Nossas persunas d'instrucziun ein per part laics - el diever linguistic dalla baselgia vegnan aschia talas persunas numnadas ch'ein buca spirituals. Da l'autra vart ils spirituals - paders e fraters dalla communitad benedictina Mustér. Els fan il meglier pusseivel per dar vinavon savida e habilitad - per che Vies affon sappi alla fin retscheiver igl attestat da matura.
Nus vulein che nos scolars e nossas scolaras contonschien lur finamira. Dall’entschatta enneu.
Quei purschin nus: Cuors preparatorics pils examens da recepziun, uras da sustegn entras persunas dil fatg & sustegn d'emprender suenter scola ni tutoriats entras scolars pli vegls e scolaras pli veglias ni persunas d'instrucziun, survigilonza da studium suenter gentar sco era discuors regulars da feedback.
98% da nos scolars e nossas scolaras han el decuors dils davos 10 onns dumignau la matura. E biars e biaras han terminau lur studium enteifer fetg cuort temps cun extraordinari success. Enconuschis Vus ina scola cantunala ni in auter gimnasi cun semegliontas cefras da success ?
Biars da nos anteriurs scolars ed anteriuras scolaras han fatg ina remarcabla carriera. Enzacont(a)s ein daventai(-das) enconuschent(a)s entras lur operar e luvrar en l'entira Svizra e magari sur ils cunfins ora.
Il temps a Mustér fuorma la basa per ina reit che sa esser persunalmein, professiunalmein e socialmein dad impurtonza. Perquei entran ils biars scolars / las biaras scolaras suenter la matura ell'Uniun dils anteriurs (Altdisentiser), daventan commember e restan leu savens per veta duronta fideivels.
Nies internat sustegn Vies affon da daventar ina ferma persunditad.
Vies affon pren cumiau da Vus – e vegn gest aschia pli datier a Vus. El dat adia en ina nova independenza che rinforza el sin sia via futura el studium ed ella clamada.
Igl internat ei il meglier liug per Vies affon per seconcentrar sin sias finamiras. Nies Vademecum - in cudisch el format A5 - accumpogna Vies affons di per di tras il mintgadi da scola. El cuntegn denter auter las finamiras individualas egl onn da scola current, las finamiras individualas tochen la vegliadetgna da 20 onns, ils pensums da casa, las clausuras annunziadas e buca annunziadas sco era las notas, las absenzas, ils termins pil sustegn supplementar ed il decuors dils dis da «nos convischins» - ils Benedictins.
Egl internat ei il decuors dil di structuraus claramein. Quei gida a seconcentrar sin las caussas impurtontas. Temps da studi accumpignai scaffeschan il spazi d'emprender, ellas gruppas iniziativas vegnan interess specifics profundai. Naturalmein dat ei temps pil sport e per agens basegns duront il di.
La tradiziun d'educaziun benedictina, transponada ella pedagogia dil temps hodiern, sebasa sin las valurs humanisticas e sin la ductrina dil sogn Benedetg. En nies codex dein nus la risposta sin la damonda co nus lein viver la communitad da scola e digl internat: ora - lege - labora.
Egl internat neschan amicezias e reits per la veta; entras il commembradi dalla scola ella reit dallas scolas benedictinas (BENET) ed entras il scomi cun la China e l'Africa dil Sid. Entras l'uniun studentica Desertina e l'uniun dils anterius (Altdisentiser) en l'entira Svizra.
