Nies internat ei aviarts mintga fin d'jamna - e muenta.
Il team da prefectura s'engascha ensemen cun las persunas d'instrucziun da sport per ina purschida attractiva. Enqual sondas, ha liug in'activitad duront in miez di. Quella purschida stat a disposiziun per scolars digl externat sco era per tals digl internat.
Elecziun da purschidas e cuors:
Pren il scolar part ad ina da quellas activitads, vegn quei risguardau sco part dil rom opziunal obligatoric da sport (SIG). Las purschidas specialas duront la fin d'jamna ein per gronda part gratuitas.
Sonda sera vegn per regla cuschinau communablamein.
Restar la fin d'jamna egl internat porscha igl avantatg da ver pli bia temps per emprender, ruassar e viver en cuminonza. Pigl auter crodan ils cuosts ed il temps da viadi denter la dimora e Mustér.
Per quei motiv havein nus scaffiu la «purschida d'ina fin d'jamna che muenta» resp. igl internat da 7 dis e recumandein da restar al gimnasi era la fin d'jamna.
Ina tochen duas gadas duront il semester porscha igl internat ina fin d'jamna da cuminonza. Ensemen cun ils accumpignaders visetan ils scolars digl internat in liug tut special.
