Cumpetenza da lungatg ei ina cumpetenza da clav. Nus scolein quella habilitad fundamentala buca mo en rama dall'instrucziun quotidiana, mobein promovin ella ultra da quei cun jamnas da project, lavurs da matura, projects da teater e medias sco era cun referats da scolaras e scolars.
La Svizra ei quadrilingua - treis da quels lungatgs vegnan plidai el cantun Grischun. Mustér schai egl intschess linguistic retoroman. La ragisch da tut quels lungatgs ei il latin.
Per nossas scolaras e nos scolars plurilings secapescha ei da sesez da conversar en plirs lungatgs. La purschida linguistica en nossa scola renda quen a quei fatg.
Nus habilitein nos students e nossas studentas pil studi universitar che suonda. Leu giogan igl engles e la mobilitad internaziunala ozildi ina rolla fundamentala.
Nies lungatg da standard ei il tudestg da scartira.
Il canon da roms linguistics cumpeglia:
Tudestg
Engles
Franzos/talian/romontsch* (rom opziunal obligatoric)
Latin (mo parzialmein obligatoric)
e sco roms facultativs spagnol
*Per giuvenils ord il cantun Grischun cun alfabetisaziun perscretta en romontsch tochen la 3. classa obligatoric, silsuenter rom opziunal obligatoric (romontsch, franzos ni talian).
