La Surselva ei ina dallas pli attractivas regiuns da vacanzas en Svizra ed in bien tip per amaturs d'acitivitads da sport outdoor.
Duront igl unviern porscha la regiun da skis Mustér-Sedrun-Andermatt 120 km pistas cun garanzia da neiv ed in paradis da freeride pils hosps ch'arrivan da tuttas regiuns dil mund a Mustér.
Duront la stad carmalan las bleissas da far turas al mountainbike ni a pei. Las pendicularas transporteschan adherents da downhill che filan a moda spectaculara a val ni che prefereschan da reiver. Ei l'aura meins cunvegnenta per activitads el liber, lu porschan las hallas da reiver el gimnasi & internat sco era el Center da Sport a Mustér in'interessanta alternativa.
Tgi che resta pli bugen ella val, lez ha la pusseivladad da dar el temps liber duront igl unviern curling ni hockey sin glatsch e duront la stad tennis e minigolf.
Era per sportists dall'aua porscha la regiun in highlight. Sin mesa via viers Cuera anflan els lur divertiment: da Glion anò ei la scola da canu a Versam cun lur canus per torrents sin il Rein. Ella porscha era rafting per gruppas.
Quella vasta paletta da pusseivladads sportivas outdoor schazegian era ils scolasts da sport. Purschidas sco reiver, ir cun canu, cun skis ni dar curling ein regularmein d'anflar sil plan - specialmein la fin d'jamna. Fan scolaras e scolars diever da quellas purschidas, vegn quei era mess a quen sco rom opziunal obligatoric (gruppa interess da sport).
