Nies internat-gimnasi ei enconuschents per siu renomau chor e scaffescha dapi decennis cantaduras e cantadurs ed era musicistas e musicists da renum naziunal ed internaziunal.
Nies chor dumbra entuorn 110 cantaduras e cantadurs e vala sco in dils megliers chors da scola dalla Svizra.
El sepresenta als survetschs divins festivs ella baselgia claustrala s. Martin en rama dalla turnea annuala da concert sco era a caschun d'enqualin concert profan en connex cun la scola.
Al repertori dil chor appartegnan:
Las emprovas han liug ina gada l'jamna duront igl entir onn da scola. La participaziun al chor ei obligatorica per tuts scolars. Igl obligatori vala era per scolars ch'elegian musica sco rom facultativ (opziunal) en special sco rom d'accent e rom cumplementar.
Emprova sonora
Tedlei il «podcast» dalla registraziun live dalla turnea nr. 42 dils 6 d'avrel 2014, ella baselgia a Turitg Enge (emess via RTR ils 27-03-2016)
Carghei il «Halleluja» sco tun da scalin sin Vies telefonin, en treis versiuns:
Musica - buca mo per las ureglias
Tgi che suna in instrument ni ha giu instrucziun da cant, sa secapescha cuntinuar cun quei era tier nus egl internat.
En nossas stanzas d'exercezi per far musica stattan clavazin e portanotas a disposiziun. Lecziuns da musica privatas san vegnir organisadas entras la Scola da musica Surselva ni via scolasts da musica dil gimnasi.
