En connex cun dils roms d'accent e roms cumplementars stat ina vasta purschida a disposiziun. Roms d'accent: Biologia & chemia, economia & dretg (instrucziu immersiva per engles), musica, fisica ed applicaziun da matematica (PAM), latin e spagnol. Roms supplementars: Biologia & chemia, historia, geografia sco era applicaziun da matematica.
Dad ina vart ils laics - el diever linguistic dalla baselgia vegnan aschia talas persunas numnadas ch'ein buca spirituals. Da l'autra vart ils spirituals - paders e fraters dalla communitad benedictina Mustér.
98% da nos scolars e scolaras han el decuors dils davos 10 onns dumignau la matura. E biar(a)s han terminau lur studium enteifer fetg cuort temps cun extraordinari success.
Magari contonschan ins buca persuls la finamira. Perquei purschin nus a Ti sper igl agen studium ulteriuras pusseivladads da promover Tei individualmein. Per exempel; uras da sustegn entras persunas dil fatg & sustegn d'emprender suenter scola ni tutoriats entras scolars pli vegls e scolaras pli veglias ni persunas d'instrucziun.
Tier nus anflas Ti amitg(a)s per la veta. En Tia classa, el chor ni ell'Uniun da students. Entras l'Uniun dils anteriurs students (Altdisentiser) restas Ti semper colligiaus cun nus.
Nies internat fa daventar Tei ina ferma persunalitad!
Ti prendas cumiau da Tes geniturs - e vegnas aschia ad els pli datier. Ti das adia viers in nova independenza che rinforza Tei sin Tia via futura el studium ed ella clamada.
Igl internat ei il meglier liug per seconcentrar sin Tias finamiras. Ti has dapli temps per emprender, per relaxar e per la cuminonza. Ti focusseschas Tetez sin Tia atgna via ensiviars.
Cultura, natira, sport - Mustér e la Claustra porschan a Ti tut quei che Ti sas giavischar. Specialmein sche Ti passentas la sonda e dumengia tier nus. Ti prendas part ad activitads sportivas organisadas e la sonda sera vegn per regla cuschinau ensemen.
Ti. Ti cun ils auters. Ti cun Tias finamiras. Tias fermezias. Tes talents. Tias ideas gidan a scaffir ina cuminonza activa. E sch'ei va ina gada buca gest aschi bein cun Tei, eis Ti buca persuls.
Egl internat neschan amicezias per la veta. Biars scolars da nies internat ein activs ell'uniun da students Desertina - e nuan gia duront ils onns da scola reits pil studium e per la clamada.
