Il program fundamental digl urari cumpeglia:
Il fundament da quels lungatgs emprendan ins cun avantatg entras il lungatg latin. Perquei ei latin in rom marcont per scolars e scolaras che vulan far la matura dil Grischun. Per scolars e scolaras d'origin ordeifer il cantun Grischun vegn il latin recumandaus, denton eis el buca obligatorics.
Enconuschientschas dalla matematica e logica da matematica ein premissas indispensablas per haver success ella scienzia naturala. Ils roms da basa ein:
Ils roms da basa vegnan approfundai cun ils roms d'accent «fisica ed applicaziun dalla matematica» (PAM) sco era «biologia & chemia».
Il rom da basa «introducziun en economia e dretg» vegn menaus vinavon el rom d'accent «economia & dretg»
Il rom economia & dretg porscha - la plipart per engles, il lungatg dall'economia - la capientscha per process economics, socials e territorials. Quella capientscha emprendan ils scolars e las scolaras cun agid dils svilups actuals e historics.
Musica colligia. La tgira dalla musica sauda tier la ierta obligonta ed ei ina fermezia da nossa scola.
Il renomau chor dil gimnasi cun sias producziuns e ses concerts duront ina turnea ei enconuschents lunsch entuorn, gest quei che appartegn il repertori dalla musica sacrala. Ina promoziun tut speciala survegn la musica cun il rom d'accent musica.
Il GKD ei in gimnasi & internat menaus pedagogicamein e renconuschius dil stadi cun diploms renconuschi mundialmein e munta per Tei igl access da scolaziun allas meglieras universitads.
Perquei semettas Ti da principi sin via determinda dil stadi. Quei munta denton buc ch'ei maunca la pusseivladad da viver e sviluppar Tias preferientschas.
En connex cun ils roms d'accent e cumplementars stat ina vasta paletta a Ti a disposiziun:
Roms d'accent:
Roms cumplementars:
In rom d'accent ed in rom cumplementar sto vegnir elegius naven dalla 5. classa dil gimnasi.
Ultra da quei has Ti la pusseivladad da far experientschas supplementaras en rama dils roms opziunals obligatorics che formeschan Tia persunalitad: seigi quei en nies renomau chor, ellas gruppas interessadas al sport (SIG), gruppas interessadas alla religiun ni en aschinumnadas gruppas d'iniziativa digl internat. Buca d'emblidar, las pusseivladads dall'Uniun studentica Desertina.
